చూశారా వాళ్లు చేస్తున్న రభస!

నా గత పోస్ట్ తరువాత వాళ్ల బ్లాగుల్లో జరుగుతున్న వ్యవహారాలు చూస్తున్నారు కదా.  నా పోస్ట్ కు వాళ్ళలో కొందరు రాసిన  కామెంట్లను చూస్తే, అక్కడ చూసింది చాలా తక్కువ అనిపిస్తుంది. వాటిని ప్రచురించలేదు. అంత నీచంగా రాశారు. తాము చేసే పనులను విమర్శించే వాళ్ళంటే వాళ్లకు ఎంత మంటో!

ప్రస్తుతం వీళ్లేం చేస్తున్నారు అంటే, జాతరలలో పూనకాల పోతురాజుల లాగ వూగిపోతు గంతులేస్తున్నారు.  వీళ్లు మన బ్లాగు ముంగిటిలోకి వచ్చినపుడు మర్యాదగా మాట్లాడి పంపించాలి. లేకపోతే మన బ్లాగులోనే దుకాణం పెట్టి, అందరూ చేరి రభస చేసి పోతారు. నేను వాళ్లకు అంత మర్యాద చెయ్యలేదు గదా అందుచేత నా బ్లాగుకు వాళ్లు ఆ మర్యాద ఇస్తున్నారు.

కొందరు బ్లాగరులు గుంపులు కట్టారని, వాళ్లు కొత్త బ్లాగర్లను హెరాస్ చేస్తుంటారని వీళ్లు మెడల్లో డోళ్లు కట్టుకుని టమటమా వాయించుకుంటూ అమెరికా నుంచి ఆఫ్రిక వరకు తిరిగారు. అసలు వీళ్లు చేసేది, చేస్తున్నది అదే -గ్రూపులు కట్టి, ఇతర బ్లాగర్లను హెరాస్ చెయ్యటం. బ్లాగుల్లో తిరుగుతూ తమకు నచ్చని వాళ్ల బ్లాగులో స్పాట్ పెట్టి, గాంగ్ మెంబర్స్ అందరూ అక్కడ చేరి, వాదన పెట్టుకుని రచ్చ చేస్తారు. ఎవరి బ్లాగుల్లోవాళ్లు తమకు నచ్చింది రాసుకుంటారు. వీళ్లకెందుకు? ఒకవేళ నచ్చకపోతే, దాన్ని విమర్శ చెయ్యవచ్చు. కాని దానికి కూడ పద్ధతి ఉంటుంది కదా! బ్లాగరును అవమానపరుస్తూ రాసి, హింసిస్తారు. ఒకడి వెంటనే పదిమంది వచ్చి అల్లరి అల్లరి చేస్తారు. తప్పనిసరి పరిస్థితిలో ఆ బ్లాగరు తానే వెనక్కి తగ్గాల్సి వస్తుంది. ఎవరో గ్రూపులు కట్టి హెరాసు చేస్తున్నారని చెప్పుకుంటూ, తాము చేసే పని ఇది. పైగా ఈ వ్యక్తిగత దాడులకు sanctity ఇచ్చుకునే ప్రయత్నాలు కూడా చేస్తారు.

ఉదాహరణకు, నా మొదటి పోస్ట్ సంగతి చూడండి. అందులో నేను రాసినది ఏమిటి? వీళ్ల అల్లరి పెచ్చుమీరి పోయింది, హింస పెట్టెస్తున్నారు అని నేను గోల చేసాను. కానీ వీళ్లు అసలు విషయాన్ని పక్కన పెట్టి, ప్రజల దృష్టి మళ్లించే ప్రయత్నం చేశారు. నేను మాలిక మీద ద్వేషంతో రాస్తున్నానట. ఏదో ఒక రంగు పులిమి, తమ మీద దాడి జరుగుతున్నట్లు ప్రచారం చేసి, ఆ పైన తమకు ఇష్టం వచ్చినట్లు తిట్టే ప్రయత్నం ఇది.

గతంలో కూడ, కొందరు బ్లాగర్లు గ్రూపులు కట్టి తమను ఎగతాలి చేసారని చెప్పి వాళ్ళను అనరాని మాటలు అన్నారు. బూతులు తిట్టారు. కొందరు బ్లాగర్లకు సంబంధాలు అంటగట్టి ప్రచారం చేశారు. నోరు ఉంది కదా అని తమకు నోటికి వచ్చినదల్లా రాశారు. అసహ్యంగా ప్రవర్తించారు. కూడలి తమకు ఎగెనెస్ట్ గా పని చేస్తుందని దాని మీద దాడి చేశారు. అందుకే మాలిక పెడుతున్నామని చెప్పారు. తరువాత, హారం భాస్కరరామి రెడ్డి తమమీద ఏదో దాడి చేశారని అతని మీద దాడి చేశారు. ఇప్పుడు కూడా, ఈ బ్లాగ్ ను ఆయనకే లింకు పెట్టారు.

అసలు నా ఈ బ్లాగ్ ను ఎంతమందితో లింకు పెట్టుతున్నారో చూడండి.. కొత్తపాళి, కత్తి, మహిళా బ్లాగరులు,.. వాళ్ల ఇష్టం. వాళ్ల టెక్నిక్ చూడండి, ఎక్కడా నేరుగా పేరు పెట్టరు, పేరు స్ఫురించేలా వేరే పేరుతో తిడతారు. వీళ్ల నాయకుడు వీళ్లకు బాగా కీ ఇచ్చి ఒదిలిపెడుతాడు, వీళ్లు రెచ్చిపోతారు. అతడు మధ్యమధ్యలో వచ్చి నాలుగు బూతులు రాసి పోతాడు. భలే రాసావు అన్నయ్యా అంటూ వీళ్లు మరింతగా రెచ్చి గంతులేస్తారు.

అసలు తిట్టడమేమిటి?  బరితెగించిన వాళ్లు ఎట్లా మాట్లాడినా, ఎటువంటి బూతులు రాసినా చెల్లుతుందని అనుకుంటున్నారా? అనుకుంటున్నట్లే ఉన్నారు. నా బ్లాగులో వాళ్లు రాసిన కామెంట్లు చూసినా, వాళ్ల బ్లాగుల్లో వాళ్లు రాస్తున్న కామెంట్లు చూసినా అలాగే అనిపిస్తుంది. ఈ అసభ్య రాతల నుండి తెలుగు బ్లాగరులకు మోక్షం ఎప్పుడో కదా!!